咁大個女(人)都未出過亞洲, 今年一定要衝出去, 開吓眼界!

本來我同同學V都想去埃及(同學D唯有少數服從多數啦, 哈哈), 因為d古蹟, 金字塔, 獅身人面像等好特別和吸引. 但可惜, 同學V的上司唔批假, 得番我同同學D去. 本來目的地仍然係埃及, 但係我睇到d blog友講的行程, 好似幾辛苦咁, 第一次衝出亞洲, 我都係想舒服d歎吓先, 所以我同同學D就改為去東歐, 因為D建築古典而優雅, 啱晒我地呢D ladies (自稱).

我地早係4月中報咗5月中的團, 因為貪早報團可以減多d團費, 點知, 突然來個豬流感, 真係人算不如天算! (六合彩唔見我地中喎).

如我所料, 個團人數太少, 成唔到團. 我本來諗住唔去旅行住啦, 因為唔知豬流感會發展成點, 但同學D由始至終都未驚過, 重係好想去喎, 加上同學S和佢細佬突然加入想一齊去, 佢勁遊說我去, 話好難得就到大家都請到假和想去同一地方, 於是我都係去啦 (始終都係貪玩!)

就來出發, 呢幾日忙買嘢和執嘢. 老細好好, 借個歐洲用插頭畀我, 尋日又畀咗10幾蚊 euro散銀我, 我話: 不如我換番港紙畀你吖?

佢耍手擰頭: 唔使, 我費時d散紙阻住我呀!

有錢人真係唔同, 嫌d錢阻定, 哈哈!我唯有幫佢用咗佢啦! hehe!

希望今次旅行順利和愉快啦!!